Donald Trump, ayaa u magacaabay Scott Bessent Xoghayaha Maaliyadda.....

Madaxweynaha la doortay ee Mareykanka, Donald Trump, ayaa u magacaabay Scott Bessent inuu noqdo Xoghayaha Maaliyadda. Bessent, oo ah maareeye maalgashi iyo aasaasaha Key Square Group, ayaa horey u soo noqday madaxa maalgashiga ee Soros Fund Management.

Magacaabista Bessent waxay timid kadib geedi-socod adag oo ay ku tartamayeen musharrixiin caan ah. Trump ayaa ku ammaanay Bessent khibraddiisa ballaaran ee maalgashiga caalamiga ah iyo istiraatiijiyadda dhaqaale, isagoo sheegay inuu yahay taageere xooggan oo u ololeeya siyaasadaha "America First" iyo taageerada canshuuraha.

Bessent ayaa horey u taageeray siyaasadaha dhaqaale ee Trump, isagoo dhaleeceeyay maamulka hore ee Mareykanka ee ku aaddan maaraynta miisaaniyadda. Waxa uu qorsheynayaa inuu hirgeliyo siyaasado ay ka mid yihiin yareynta xeerarka iyo dib-u-habeynta canshuuraha si loo dardargeliyo kobaca dhaqaale.

Magacaabista Bessent ayaa la filayaa inay soo celiso kalsoonida suuqyada maaliyadeed, inkastoo uu wajahayo caqabado waaweyn sida hirgelinta dhimista canshuuraha, wadaxaajoodyada canshuuraha, maaraynta daynta qaran ee kordheysa, iyo ilaalinta xiriirka dhaqaale ee Shiinaha.

Scott Bessent oo loo magacaabay Xoghayaha Maaliyadda

Sidaa ey sheegtay New York Post